Thús Mear Byld

Ynfo

Op dizze side lêst oer de neikommende ûnderwerpen:

Ferbûging regelmjittige tiidwurden

￭ Regelmjittige tiidwurden einigjend op -je

Ezelsbrechjes:

• Wy/jimme/jo/sy: notiid einiget op -e, doetiid op -en (selde as tiidwurden op -e).
• Doetiid foar ik en hy/sy/it is deselde (selde as tiidwurden op -e).
• Doetiid en mulwurd hawwe gjin -d of -t (oars as tiidwurden op -e).
• As it mulwurd einiget op -e, dan witst dat de ynfinityf einiget op -je.
• Tink derom:
  • As de stam fan in -je tiidwurd einiget op in d, dan komt der in z foar de -je.
    Bygelyks antwurdzje en skodzje.
  • As de stam fan in -je tiidwurd einiget op in t, dan komt der in s foar de -je.
    Bygelyks genietsje en wachtsje.

Kinsto better fisueel ûnthâlde? De kleuren jouwe deselde útgongen oan:

Tips:

• Sjoch hjirûnder de algemiene ferbûgingsregels.
• Sjoch de top 100 fan regelmjittige tiidwurden foar mear foarbylden.

￭ Regelmjittige tiidwurden einigjend op -e

Ezelsbrechjes:

• Wy/jimme/jo/sy: notiid einiget op -e, doetiid op -en (selde as tiidwurden op -je).
• Doetiid foar ik en hy/sy/it is deselde (selde as tiidwurden op -je).
• Doetiid en mulwurd hawwe -d of -t (oars as tiidwurden op -je).
• As it mulwurd einiget op -d of -t, dan witst dat de ynfinityf einiget op -e.
• As it leste bylûd fan 'e stam (k yn "ik bak") foarkomt yn 't kofschip, dan krije de doetiid en mulwurd in t, oars in d.

Kinsto better fisueel ûnthâlde? De kleuren jouwe deselde útgongen oan:

Tips:

• Sjoch hjirûnder de algemiene ferbûgingsregels.
• Sjoch de top 100 fan regelmjittige tiidwurden foar mear foarbylden.

Algemiene ferbûgingsregels

Yn 'e Paadwizer fan Frysker fynst algemiene regels foar 'e ferbûging fan tiidwurden. Hjirûnder steane foarbylden fan dizze regels (klik op 'e plus + om 'e ferbûgingen te sjen).

￭ Einlûdferskerping

In lûd oan it ein fan in ferbûging wurdt ferskerpe by:

• v ➔ f
• z ➔ s
• g ➔ ch

Foarbylden:

￭ Ferdûbeling fan bylûdtekens

Om lêsbetizing tefoaren te kommen, wurde bylûdtekens yn guon gefallen (sjoch hjir ) ferdûbele.

Foarbylden:

￭ Ferinkeling fan lûdtekens

Ferinkeling fan lûdtekens komt foar by de lange lûden a, e, i en o.

Foarbylden:

￭ Feroaring fan lûdtekens

Feroaring fan lûdtekens docht him foar by de koarte lûden i en u.

Foarbylden:

Werjefte fan ferbûgingen

Yn 'e panielen mei tiidwurden sjochst de folgjende ynformaasje:

• Ikoantsje fan in regelmjittich of ûnregelmjittich tiidwurd
• Kolom links mei notiid
• Kolom rjochts mei doetiid
• Mulwurd
• Foar ûnregelmjittige tiidwurden (opsjoneel): gearstalde tiidwurden mei deselde ferbûging
• Ferskate foarbylden
• Foar regelmjittige tiidwurden: in ferwizing nei útlis op 'e Ynfo-side

Yn 'e panielen jildt hy ek foar sy en it. En wy jildt ek foar jimme, jo en sy.

Set de Tiidwurden web-app op dyn mobyltsje

Kinst in web-app meitsje fan tiidwurden.frl. Dêrmei krijst in ikoantsje fan it webstee op it startskerm fan dyn smartphone of tablet en wurket it webstee lykas in app:

• Folgje dizze stappen om it ikoantsje op dyn iPhone of iPad te setten: start de ynternet-app Safari en sykje de Thús-side fan tiidwurden.frl op. Klik op it Diele-ikoantsje . Kies "Set op begjinskerm" en klik op "Tafoegje".
• Folgje dizze stappen om it ikoantsje op dyn Android smartphone of tablet te setten: start de ynternet-app Chrome en sykje de Thús-side fan tiidwurden.frl op. Klik op 'e trije puntsjes rjochtsboppe. Kies "Tafoegje oan startskerm" en klik op "Tafoegje".

Tips foar it brûken fan dit webstee

De Thús-side mei de Fryske en Nederlânske alfabetten is it begjinpunt fan sykjen. Om it maklik te meitsjen stean op alle siden ikoantsjes fan Thús, sa bist samar werom by it begjin.
Krekt as by de measte websteeën, kinst ek boppe-oan alle siden op it logo fan Fryske tiidwurden klikke om by Thús werom te kommen.

Kinst de tekst net goed lêze? Klik dan boppe-oan 'e side op Byld en kies in oare lettergrutte en/of eftergrûnkleur.

By guon tiidwurden hinget de betsjutting ôf fan 'e klam. De klam wurdt yn dy gefallen werjûn troch fet printe tekst. Bygelyks "foarsizze" en "foarsizze" (sjoch by sizze).

It webstee is frij fan advertinsjes en der wurde ek gjin cookies fan Facebook, Google of oare kommersjele bedriuwen pleatst. Kinst dus mei in gerêst hert surfe.

Kinst de ynformaasje op dit webstee sels brûke, mei oaren diele, yn b.g. in kursus brûke of op in oare wize benutsje om kennis fan 'e Fryske taal te fergrutsjen. Brûk dêrby it webstee of neam tiidwurden.frl as boarne.

Tips foar it sykjen: 1. Sykwizen

De tiidwurden steane yn in tabel mei twa kolommen en in protte rigels:

• Yn 'e kolom links steane de alfabetysk sortearre tiidwurden, yn it Frysk of yn it Nederlânsk.
• Yn 'e kolom rjochts steane de oersettingen, somtiden mei ekstra útlis.

Yn it sykfjild boppe de tabel kinst in sykopdracht type.

De standert sykwize brûkt de folsleine rigel
As de tekst yn dyn sykopdracht foarkomt op in rigel (yn 'e kolom links en/of de kolom rjochts), dan sjochst dy rigel yn it sykresultaat. Dizze standert sykwize brûkt dus de folsleine rigel om 'e sykopdracht te finen.

Foarbyld: Ast sikest op "hark" op 'e side Alle tiidwurden: Frysk - Nederlânsk, dan fynst dizze resultaten:

Op 'e siden mei Alle tiidwurden: Frysk - Nederlânsk en Alle tiidwurden: Nederlânsk - Frysk kinst in oare sykwyze kieze fia it ikoantsje mei it fergrutglês en de plus:

• Sykwize kolom links
  As dyn sykopdracht foarkomt yn 'e kolom links, dan sjochst dy rigel yn it sykresultaat.

  Foarbyld: Ast sikest op "hark" op 'e side Alle tiidwurden: Frysk - Nederlânsk, dan fynst dizze resultaten:

  beharkje	beluisteren
  harkje	luisteren

• Sykwize kolom links begjinnend mei...
  As dyn sykopdracht foarkomt yn 'e kolom links oan it begjin fan in tiidwurd, dan sjochst dy rigel yn it sykresultaat.

  Foarbyld: Ast sikest op "hark" op 'e side Alle tiidwurden: Frysk - Nederlânsk, dan fynst dit resultaat:

  harkje

  luisteren

Wolst it útprobearje? Klik op ien fan dizze knoppen foar Frysk - Nederlândsk:
Folsleine rigel Kolom links Kolom links begjinnend mei...

Of klik op ien fan 'e knoppen foar Nederlândsk - Frysk :
Folsleine rigel Kolom links Kolom links begjinnend mei...

Tips foar it sykjen: 2. Sykopdracht

• Yn it sykfjild kinst in lûd sûnder aksintteken type. Bygelyks: "halde" jout ek "hâlde". It typen fan in haadletter is lyksa net nedich.
• Hast niiskrekt socht en wolst dan in nije sykopdracht jaan? Klik op it werom-ikoantsje om op 'e nij te sykjen.

• Wolst alle gearstalde tiidwurden fine fan b.g. rinne? Typ op 'e side Alle tiidwurden: Frysk - Nederlânsk allinnich "rinne" yn it sykfjild en fynst mear as tachtich gearstalde tiidwurden, fan achterrinne oant ynrinne.
• Kinst ek ferskate stikjes tekst yn 'e sykopdracht brûke. B.g. ast "fer earje" typst, dan krijst alle rigels mei "fer" en "earje".

Oer ús

It webstee Fryske tiidwurden wurdt makke troch de neikommende leafhawwers fan 'e Fryske taal:

Kontakt

Kinst ús berikke fia e-mailadres tiidwurden@gmail.com.